https://www.innews.media/uploads/news/2026-04/_innews_c15759708989195eb3ff8d1b1_o.jpg
“Səs Azərbaycan” layihəsi ilə tanınan Babək Əfəndi dinləyicilərin qarşısına yeni işi ilə çıxıb. Müğənninin “Yorğun” adlı video klipi artıq yayımlanıb və qısa zamanda maraqla qarşılanmağa başlayıb.
Mahnının söz və musiqisi Amir Paşayevə məxsusdur. Klipin rejissoru isə Roial Dzhafarov. Bu ekran işi Babək Əfəndinin yaradıcılığında ikinci klip olmaqla yanaşı, onun daha fərqli – daha səmimi və emosional tərəfini ortaya qoyur.
“Yorğun” sadəcə bir sevgi hekayəsi deyil. Bu, artıq içində hiss qalmayan, amma hələ də buraxmaqda çətinlik çəkdiyin münasibətin hekayəsidir. Klipdə istifadə olunan iplər bu vəziyyətin vizual ifadəsinə çevrilir – nə qədər qoparmağa çalışsan da, səni saxlayan, yorğunlaşdıran bağlar kimi.
Müğənni bu işdə sevginin hər zaman azadlıq olmadığını, bəzən insanı içində saxlayıb tükətdiyini göstərməyə çalışır. Klip boyu bu daxili mübarizə hiss olunur: qalmaqla getmək arasında qalan bir insan və sonda özünü xilas etmək üçün verilən qərar.
“Yorğun” artıq bütün rəqəmsal musiqi platformalarında dinləyicilərə təqdim olunub.
