Mərkəzi Bankın nümayəndə heyəti Dünya Bankı və Beynəlxalq Valyuta Fondunun İllik toplantılarında iştirak edəcək

Azərbaycan Mərkəzi Bankının (AMB) sədri Taleh Kazımovun rəhbərlik etdiyi nümayəndə heyəti oktyabrın 12-14-də Mərakeş Krallığında işgüzar səfərdə olacaq.

AMB-dən innews.media bildirilib ki, səfər çərçivəsində Mərkəzi Bankın nümayəndə heyəti Dünya Bankı (DB) və Beynəlxalq Valyuta Fondunun (BVF) Mərakeş şəhərində keçirilən illik toplantılarının plenar iclaslarında və Azərbaycanın daxil olduğu Seçki Qrupunun tədbirində iştirak edəcək.

Eyni zamanda, DB və BVF-nin rəhbər vəzifəli şəxsləri, Mərkəzi Bank ilə əməkdaşlıq edən bir sıra maliyyə-investisiya təşkilatları və bankların rəhbərliyi ilə ikitərəfli görüşlərin keçirilməsi nəzərdə tutulur.