Azərbaycan və Birləşmiş Ərəb Əmirlikləri qiymətli kağızlar sahəsində əməkdaşlığı müzakirə edib

Mərkəzi Bankın nümayəndə heyətinin Birləşmiş Ərəb Əmirliklərinə (BƏƏ) səfəri çərçivəsində BƏƏ-nin Qiymətli Kağızlar və Əmtəələr Təşkilatının nümayəndələri ilə görüşü keçirilib.

Bu barədə Mərkəzi Bank məlumat yayıb.

Görüş zamanı BƏƏ-nin qiymətli kağızlar bazarının inkişafı, mövcud investisiya imkanları və hər iki ölkənin nəzarət qurumları arasında əməkdaşlıq perspektivləri barədə müzakirə aparılıb.