https://www.innews.media/uploads/news/2024-09/_innews_68188f2ceeb6118a677b781a8_o.jpg
“2025-ci ilin dövlət və icmal büdcələrinin ilkin göstəricilərinə dair Açıqlama” sənədi Azərbaycan Respublikası Maliyyə Nazirliyinin rəsmi internet səhifəsində yerləşdirilib.
Sənəd növbəti il və ortamüddətli dövr üzrə makroiqtisadi proqnozları, büdcə siyasətinin əsas istiqamət və hədəflərini, prioritet xərc istiqamətlərini, büdcə qaydasına əsaslanan yeni makro-fiskal çərçivəyə uyğun olaraq icmal və dövlət büdcələrinin layihələrinin ilkin parametrlərinə dair Azərbaycan Respublikası Maliyyə Nazirliyinin baxışlarını özündə əks etdirir.
Açıqlama sənədində həmçinin, 2025-ci il və növbəti üç il üzrə icmal və dövlət büdcəsinin proqnoz parametrləri də əks olunub.
Büdcə prosesinin növbəti mərhələlərində — 2025-ci il üçün dövlət büdcəsi haqqında Qanun layihəsi Milli Məclisin müzakirəsinə təqdim edilənədək qeyd edilən parametrlərə dəyişikliklərin edilməsi mümkündür.
“2025-ci ilin dövlət və icmal büdcələrinin ilkin göstəricilərinə dair Açıqlama” və sənədin əlavələri ilə aşağıdakı linklərdə tanış ola bilərsiniz:
2025-ci ilin dövlət büdcəsinin vergi və qeyri-vergi gəlirlərinin proqnoz göstəriciləri
2024-2025-ci illər üzrə dövlət borcu ilə bağlı proqnozlaşdırılan göstəricilər
2025-ci il və növbəti üç il üzrə icmal və dövlət büdcəsinin parametrləri
Ən son xəbərləri səhifəmizdən də izləyin
