Seçmə mərhələ: Azərbaycan millisi Türkiyə yığmasına qarşı

Bu gün qadın futbolçulardan ibarət Azərbaycan milli komandası Avropa çempionatının seçmə mərhələsində növbəti oyununu keçirəcək.

innews.media xəbər verir ki, Siyasət Əsgərovun rəhbərlik etdiyi kollektiv B Liqasının I qrupunda səfərdə Türkiyə yığması ilə üz-üzə gələcək. “Ərzincan 13 Şubat” stadionunda təşkil olunacaq görüş Bakı vaxtı ilə saat 21:00-da başlayacaq.

Matçı Fransadan olan hakimlər briqadası idarə edəcək.

31 May

21:00. Türkiyə – Azərbaycan

Baş hakim: Aleksandra Kollin

Baş hakimin köməkçiləri: Elodie Koppola, Klotilde Brassar

Dördüncü hakim: Klemens Qonçalves

"Ərzincan 13 Şubat stadionu"

Qeyd edək ki, qrup mərhələsinin ilk iki turundan sonra Türkiyə yığmasının 3, Azərbaycan millisinin isə 1 xalı var.