Bank of New York Mellon”un MDM-də nominal saxlayıcı kimi üzvlüyü müzakirə olunub

Milli Depozit Mərkəzinin (MDM) İdarə Heyətinin sədri Elçin Əlizadə “Bank of New York Mellon”un (BNY Mellon) ölkəmizdə səfərdə olan rəsmiləri ilə görüş keçirib.

Görüşdə Azərbaycanın kapital bazarı ekosistemində MDM-in rolu və inkişaf strategiyası, barədə məlumat verilib. Tərəflər «BNY Mellon»un daxili bazarda yeni məhsulların təqdim edilməsindəki rolu, MDM-in nominal saxlayıcı qismində «Bank of New York Mellon»un üzvlüyə qəbulu və hesabın açılması istiqamətində perspektivləri müzakirə edilib.

Qeyd edək ki, MDM-in 2024–2026-cı illəri əhatə edən inkişaf strategiyasında beynəlxalq maliyyə qurumları və depozitarlarla əlaqələrin qurulması və inkişaf etdirilməsi fəaliyyət istiqamətlərinin genişləndirilməsi baxımından xüsusi əhəmiyyət daşıyır.