https://www.innews.media/uploads/news/2026-05/_innews_78b0de89536c9ea96cee4d41d_o.jpg
Gabriel Bortoleto Mayami Sprint yarışından sonra texniki qayda pozuntusuna görə nəticələrdən kənarlaşdırılıb.
Miami Grand Prix çərçivəsində keçirilən Sprint yarışında Audi pilotu 11-ci yerdə finişə çatsa da, yarışdan sonra aparılan texniki yoxlamalar onun nəticəsini ləğv edib.
Qərara əsasən, Bortoletonun bolidində mühərrikin giriş hava təzyiqi limitinin – 4.8 barA həddinin aşılması aşkar edilib. Bu isə Formula 1 Texniki Reqlamentinin C5.3.2 maddəsinin pozulması kimi qeydə alınıb.
FIA qərarı rəsmiləşdirdi
FIA texniki nümayəndəsi Jo Bauer tərəfindən məsələ stüardlara ötürülüb və yekun qərarla diskvalifikasiya tətbiq olunub. Qərarda qeyd edilib ki:
- Təzyiqin yüksək temperatur səbəbilə artdığı izah edilsə də
- Komanda dərhal düzəliş etsə də
- Qaydalara görə avtomobil “hər zaman” uyğun olmalıdır
Bu səbəbdən cəza qaçılmaz olub.
Audi üçün ağır Sprint
Bu qərar Audi üçün onsuz da çətin keçən Sprint yarışını daha da ağırlaşdırıb. Yarış başlamazdan əvvəl Nico Hülkenbergin bolidində yanğın problemi yaşanmış və komanda artıq bir avtomobili itirmişdi.
Bortoletonun diskvalifikasiyası ilə Sprint nəticələrində dəyişikliklər baş verib və Audi komandası Mayami həftəsonunda ciddi texniki problemlərlə üzləşmiş tərəflərdən biri kimi yadda qalıb.
